🔥សិក្ខាសាលាបំផុសគំនិតអំពីប្រទេសជាតិ “ចលនា ខ្មែរត្រូវតែខ្លាំង”

📍 ទីកន្លែងប្រារព្ធ៖ អាគារខេមរវិទូ រាជបណ្ឌិត្យសភាកម្ពុជា

        សិក្ខាសាលាដ៏មានន័យជ្រាលជ្រៅមួយនេះ មិនមែនជាព្រឹត្តិការណ៍ធម្មតាទេ ប៉ុន្តែជាចលនាគំនិតដ៏ខ្លាំងក្លា ដែលបំភ្លឺផ្លូវគំនិតឱ្យមនុស្សខ្មែរ ឱ្យឃើញច្បាស់ថា កម្លាំងជាតិ ចាប់ផ្តើមពីការកំណែទម្រង់គំនិត និងការអប់រំ។

      ឯកឧត្តមបណ្ឌិត្យសភាចារ្យ សុខ ទូច បានលើកឡើងយ៉ាងច្បាស់និងដាច់ខាតថា៖

«គ្មានការកំណែទម្រង់វិស័យអប់រំ កុំសង្ឃឹមថា ខ្មែរអាចខ្លាំងបានឱ្យសោះ»

ពាក្យមួយនេះ មិនមែនសម្រាប់ស្តាប់ប៉ុណ្ណោះទេ ប៉ុន្តែជាសារាឱ្យអ្នកដឹកនាំ ម្ចាស់អាជីវកម្ម និងយុវជនខ្មែរ ត្រូវតែត្រឡប់មកសួរខ្លួនឯងថា៖

👉 យើងបានវិនិយោគលើចំណេះដឹង និងគំនិតដឹកនាំរបស់ខ្លួនរួចហើយឬនៅ?

ឯកឧត្តមក៏បានបង្ហាញទស្សនវិជ្ជាដឹកនាំដ៏សាមញ្ញ តែមានអំណាចខ្លាំង៖

«គេយកគ្រូធ្វើជាត្រីវិស័យ។ ទឹក ភ្លើង ផ្លូវ នេះគឺជាទ្រឹស្តីរបស់ខ្ញុំ»

និងពាក្យមួយដែលបំផុសស្មារតីអ្នកដឹកនាំគ្រប់រូប៖

«ឱ្យតែខ្ញុំថា គឺខ្ញុំត្រូវតែធ្វើឱ្យសម្រេច។ ខ្ញុំមិនទុកចោលឡើយ»

នេះជាមនោគមវិជ្ជា ដែលម្ចាស់អាជីវកម្មគ្រប់រូបគួរតែមាន

🔹 មិនបោះបង់

🔹 មិនខ្លាចបរាជ័យ

🔹 និងមានវិន័យក្នុងការសម្រេចគោលដៅ។

       ឯកឧត្តមក៏បានលើកឧទាហរណ៍ពីប្រទេសដែលមានការកំណែទម្រង់អប់រំខ្លាំងបំផុត ដូចជា អាមេរិក ជប៉ុន រុស្ស៊ី និងកូរ៉េខាងត្បូង ដែលបានបញ្ជាក់ថា ការរីកចម្រើនសេដ្ឋកិច្ចនិងអាជីវកម្មមិនអាចកើតឡើងដោយគ្មានចំណេះដឹងនិងការដឹកនាំច្បាស់លាស់ឡើយ។

        ក្នុងព្រឹត្តិការណ៍នេះ ក៏មានវត្តមានវាគ្មិនដ៏មានឥទ្ធិពលជាច្រើន ដែលបានចែករំលែក បទពិសោធជាក់ស្តែងពីជីវិត ការងារ និងអាជីវកម្ម ដែលកម្រនឹងរកឃើញនៅក្នុងទីក្រុងភ្នំពេញ — ជាបទពិសោធដែលអាចផ្លាស់ប្តូរទស្សនៈ និងជីវិតអ្នកស្តាប់បានយ៉ាងពិតប្រាកដ។

        ✨ ការខាកខានមិនបានចូលរួមក្នុងព្រឹត្តិការណ៍ដ៏អស្ចារ្យ និងមានអត្ថន័យជ្រាលជ្រៅបែបនេះ ពិតជាគួរឱ្យសោកស្តាយខ្លាំងណាស់។

👉 នេះហើយជាមូលហេតុដែល CEO Master Club កើតឡើងដើម្បីបង្កើតសហគមន៍អ្នកដឹកនាំ និងម្ចាស់អាជីវកម្មខ្មែរ។

🔹 រៀនពីអ្នកធ្លាប់ឈ្នះ

🔹 គិតជាប្រព័ន្ធ

🔹 ដឹកនាំដោយចំណេះដឹង

🔹 និងសាងសង់អាជីវកម្មឱ្យមាន ចិរភាព

បើអ្នកជាម្ចាស់អាជីវកម្មខ្មែរ ដែលមិនចង់នៅកន្លែងដដែលបើអ្នកចង់ឱ្យអាជីវកម្មរបស់អ្នកខ្លាំង ដូចជាប្រទេសខ្លាំង CEO Master Club គឺជាជំហានបន្ទាប់របស់អ្នក🚀។

📌 ខ្មែរ ត្រូវតែខ្លាំង — ហើយការខ្លាំងនោះ ចាប់ផ្តើមពីអ្នក