ជាទូទៅ ការប្រឡូកខ្លួនចូលក្នុងសមរភូមិពាណិជ្ជកម្មរមែងតែតែមាននូវប្រភេទអាជីវកម្មដែលមានកម្រិតផ្សេងៗគ្នា។ ក្នុងនាមជាម្ចាស់អាជីវកម្មម្នាក់វាពិតជារឿងសំខាន់បំផុតដែលត្រូវដឹងអំពីស្ថានភាព និងកម្រិតអាជីវកម្មរបស់យើងបច្ចុប្បន្នថាដំណើរការក្នុងស្ថានភាពណា ហើយអាចពង្រីកបានយ៉ាងដូចម្តេចទៀត។
អត្ថបទនេះ CEO Master Club នឹងបង្ហាញជូននូវប្រភេទអាជីវកម្មទាំង ៣ ប្រភេទដើម្បីចែកជូនម្ចាស់អាជីវកម្មទាំងអស់បានឆែកសុខភាពអាជីវកម្មរបស់ខ្លួន ដើម្បីបន្តវឌ្ឍនភាពអាជីវកម្មរបស់អ្នកទៅមុខទៀត។
ទី១ ៖ ប្រភេទអាជីវកម្មបែបហេងស៊យ
អាជីវកម្មបែបហេងស៊យ ជាប្រភេទអាជីវកម្មដែលអ្នករកស៊ីមិនច្បាស់លាស់លើរបៀបរកស៊ីរបស់ខ្លួនឃើញគេលក់អ្វីដាច់ រកស៊ីអ្វីចំណេញចាប់ផ្តើមរកតាមគេ ទាំងមិនមានភាពច្បាស់លាស់ក្នុងខ្លួន ហើយការធ្វើអាជីវកម្មប្រភេទនេះ ជាការធ្វើតាមការនឹកឃើញមួយឆាវៗ ងាយបើក ហើយក៏ងាយបិទទៅវិញ។
ទី២ ៖ ប្រភេទអាជីវកម្មបែបគ្រួសារ
អាជីវកម្មបែបគ្រួសារ ជាប្រភេទអាជីវកម្មដែលអ្នករកស៊ី ធ្វើអាជីវកម្មតជំនាន់ពីគ្រួសារ តែគ្មានក្បួនច្បាស់លាស់។ មួយវិញទៀតហានិភ័យឬបញ្ហារបស់អាជីវកម្មប្រភេទនេះមានដូចជា៖
- ជាប់ជាអ្នកទោសអាជីវកម្ម ព្រោះចង់ចេញទៅណាក៏មិនកើតដែរ ដោយគ្រប់ផ្នែកទាំងអស់ គាត់ជាអ្នកដឹកនាំចាត់ចែងតែម្នាក់ឯង
- បាត់បង់ឱកាសក្នុងការពង្រីក និង សក្ដានុពលក្នុងការលូតលាស់ នៅក្នុងក្រុមហ៊ុន ដោយជ្រើសរើសបុគ្គលិកមក ព្រមទាំងមិនចេះ ក្នុងការគ្រប់គ្រង និងក្បួនក្នុងការបញ្ជាឱ្យគេធ្វើ
ទី៣ ៖ ប្រភេទអាជីវកម្មបែបស្តង់ដារ
- ជាប្រភេទអ្នករកស៊ីដែលមានក្បួនច្បាស់លាស់ របៀបត្រឹមត្រូវ មានផែនការច្បាស់ និងចេះក្នុងការគ្រប់គ្រងចាត់ចែង ដឹកនាំធនធានមនុស្ស និងដឹងពីលំហូនៃប្រតិបត្តិការទាំងមូលរបស់ក្រុមហ៊ុន
- អាជីវកម្មប្រភេទនេះ អាចរីកចម្រើន លូតលាស់ រហូតអាចពង្រីកខ្លួនចូលទៅក្នុងទីផ្សារ ពិភពលោកបាន
- ម្ចាស់អាជីវកម្មអាចចាកចេញពីអ្នកទោសអាជីវកម្ម ដោយមិនចាំបាច់បារម្ភរឿងក្រុមហ៊ុនពេលដែលខ្លួនមិននៅ
- ទទួលបានប្រាក់ចំណេញច្រើនជាងប្រភេទអាជីវកម្មទាំងពីរខាងលើ។
បន្ទាប់ពីបានអាន និងស្វែងយល់ពីប្រភេទទាំងបីរបស់អាជីវកម្មខាងលើនេះហើយ បងប្អូនអាចឆ្លុះបញ្ចាំងពីអាជីវកម្មរបស់ខ្លួនបាន។ ហើយបើអាជីវកម្មរបស់បងប្អូនមិនទាន់ស្ថិតនៅក្នុងប្រភេទអាជីវកម្មបែបស្តង់ដារនោះទេ បងប្អូនអាចចូលរួមពង្រីកខ្លួនជាមួយ CEO Master Club បាន។
អត្ថបទដោយ៖ ផាន សុភាក់
