ការឆ្លុះបញ្ចាំងបែបជំនាញវិជ្ជាជីវៈអំពីការរីកចម្រើនតាមរយៈ CEO Master Club នៃវិទ្យាស្ថានស៊ីអ៊ីអូ CEO Institute
ខ្ញុំបានស្គាល់អំពី CEO Institute និងសហគមន៍សហគ្រិនរបស់CEO តាំងពីឆ្នាំ២០១៧។ នៅពេលនោះ ខ្ញុំមានបំណងយ៉ាងមុតមាំចង់រៀនក្នុងបរិយាកាសបែបនេះ ជាពិសេសបន្ទាប់ពីបានឃើញមិត្តរួមវិជ្ជាជីវៈជាច្រើនទទួលបានអត្ថប្រយោជន៍ពីការបណ្តុះបណ្តាលនិងបណ្តាញវិជ្ជាជីវៈរបស់ CEO។ ជាអកុសល ខ្ញុំមិនបានចូលជាសមាជិកនៅពេលនោះឡើយ។ ក្រឡេកមើលត្រឡប់ទៅអតីតកាលវិញ ខ្ញុំទទួលស្គាល់ថា ការពន្យារពេលនោះបានធ្វើឱ្យការរីកចម្រើនផ្ទាល់ខ្លួនរបស់ខ្ញុំយឺតយ៉ាវ ហើយអាចធ្វើឱ្យល្បឿនកំណើនរបស់ក្រុមហ៊ុនខ្ញុំក៏យឺតជាងគេផងដែរ។ ប្រសិនបើខ្ញុំបានសម្រេចចិត្តចូលរួមតាំងពីឆ្នាំ ២០១៧ មក ក្រុមហ៊ុន Best Solution ប្រហែលជាអាចឈានទៅកម្រិតប្រកួតប្រជែងខ្ពស់ជាងនេះបានលឿនជាងមុន។ ខ្ញុំចែករំលែកការឆ្លុះបញ្ចាំងនេះ មិនមែនដើម្បីលើកឡើងអំពីការសោកស្តាយទេ ប៉ុន្តែដើម្បីបង្ហាញនូវមេរៀនសំខាន់មួយសម្រាប់ម្ចាស់អាជីវកម្មតូចៗនៅកម្ពុជា៖ ការពន្យារពេលវិនិយោគលើខ្លួនឯង ជាញឹកញាប់នាំឱ្យកំណើនអាជីវកម្មយឺតទៅតាមហ្នឹងផងដែរ។
ខ្ញុំឈ្មោះ សុផារ៉ានិងបច្ចុប្បន្នបម្រើតួនាទីជាអគ្គនាយកគ្រប់គ្រងរបស់ Best Solution ដែលជាក្រុមហ៊ុនឯកទេសផ្នែកសេវាផ្សាយផ្ទាល់។ អស់រយៈពេលជាង ១៤ ឆ្នាំ ខ្ញុំបានឧទ្ទិសខ្លួនក្នុងការកសាងអាជីវកម្មនេះពីគោលដៅតូចមួយ រហូតដល់កម្រិតបច្ចុប្បន្ន។ ដូចសហគ្រិនជាច្រើន ខ្ញុំចាប់ផ្តើមពីធនធានមានកំណត់ ហើយពឹងផ្អែកលើការខិតខំប្រឹងប្រែង វិន័យនិងការកែលម្អជាបន្តបន្ទាប់។ ក្រោយមក Best Solution មានការរីកចម្រើនយ៉ាងត្រឹមត្រូវនិងមានស្ថិរភាពដល់ថ្ងៃនេះ។ ទោះជាយ៉ាងណា បទពិសោធន៍តែមួយមិនអាចធានាបាននូវកំណើនដែលមាននិរន្តរភាពទេ។ ខ្ញុំបានឈ្វេងយលថា អនាគតរបស់ក្រុមហ៊ុនត្រូវបានកំណត់ដោយផ្នត់គំនិត ជំនាញនិងចក្ខុវិស័យរបស់អ្នកដឹកនាំ។ ពេលយើងឈប់រៀន យើងក៏កំណត់ដែនកំណត់របស់ខ្លួនដោយមិនដឹងខ្លួនលើកំណើនអាជីវកម្មរបស់យើង។
នៅដើមឆ្នាំ ២០២៥ ខ្ញុំបានចូលរួមជាសមាជិក CEO Master Club។ លទ្ធផលដែលខ្ញុំទទួលបានមានភាពច្បាស់លាស់និងមានន័យយ៉ាងខ្លាំង។ តាមរយៈកម្មវិធីបណ្តុះបណ្តាលមានរចនាសម្ព័ន្ធ ការណែនាំផ្នែកយុទ្ធសាស្ត្រនិងការប្រាស្រ័យទាក់ទងជាមួយនឹងអ្នកដឹកនាំអាជីវកម្មផ្សេងៗដែលមានគោលដៅខ្ពស់ ខ្ញុំបានពង្រឹងសមត្ថភាពដឹកនាំ កែលម្អការសម្រេចចិត្តនិងទទួលបានទស្សនៈទំនើបអំពីប្រព័ន្ធ ការគ្រប់គ្រងយុទ្ធសាស្ត្រនិងការពង្រីកអាជីវកម្ម។ អ្វីដែលសំខាន់បំផុតគឺកម្មវិធីនេះបានជួយឱ្យខ្ញុំបង្កើតគំនិតថ្មីៗដែលអាចអនុវត្តបានពីចិត្តគំនិតរបស់ខ្ញុំផ្ទាល់—គំនិតដែលបានបន្ថែមភាពរឹងមាំ ភាពប្រកួតប្រជែងនិងសក្តានុពលរយៈពេលវែងសម្រាប់ Best Solution។ CEO Master Club មិនមែនជាកម្មវិធីសមាជិកភាពធម្មតាទេប៉ុន្តែជាវេទិកាវិជ្ជាជីវៈសម្រាប់សហគ្រិនដែលជំរុញឱ្យម្ចាស់អាជីវកម្មអភិវឌ្ឍខ្លួនជាបន្តបន្ទាប់និងដឹកនាំដោយភាពច្បាស់លាស់និងគោលបំណងច្បាស់។
ម្ចាស់អាជីវកម្មជាច្រើននៅកម្ពុជា ទទួលបានជោគជ័យតាមរយៈការខិតខំនិងភាពអត់ធ្មត់។ ទោះយ៉ាងណា បើគ្មានការអប់រំបន្តនិងសហគមន៍គាំទ្រដែលរឹងមាំ ការរស់នៅជាមួយនឹងលទ្ធផលដែលមានស្រាប់អាចធ្វើឱ្យយើងធ្លាក់ចូលក្នុងភាពសុខស្រួលពេក ដែលភាពសុខស្រួលពេកហ្នឹងហើយដែលធ្វើឱ្យយើងមិនបន្តរីកចម្រើននិងអាចនាំឆ្ពោះទៅរកភាពអសកម្ម។ ម្តងម្កាល ភាពសុខស្រួលនេះអាចប្រែក្លាយជាការរអាក់រអួលនិងការឈប់រីកចម្រើន។ ការរៀនជាបន្តបន្ទាប់គឺជាចំណុចដែលបម្លែងការខិតខំធម្មតា ឱ្យទៅជាការលេចធ្លោ។ វាជួយឱ្យអ្នកដឹកនាំកែលម្អចក្ខុវិស័យ ពង្រឹងប្រតិបត្តិការនិងពង្រីកអាជីវកម្មឱ្យលើសពីដែនកំណត់នៃទម្លាប់ចាស់ៗ។
ហេតុនេះហើយ ខ្ញុំសូមលើកទឹកចិត្តយ៉ាងស្មោះត្រង់ដល់ម្ចាស់អាជីវកម្មតូចៗទូទាំងកម្ពុជា ឱ្យវិនិយោគលើសមត្ថភាពផ្ទាល់ខ្លួនជាបន្តបន្ទាប់។ ពេលអ្នករីកចម្រើន អាជីវកម្មអ្នកក៏រីកចម្រើន។ ពេលអាជីវកម្មរីកចម្រើន វាបង្កើនភាពរឹងមាំឧស្សាហកម្មនិងជួយលើកស្ទួយសេដ្ឋកិច្ចជាតិ។ CEO Master Club មិនត្រឹមតែផ្តល់ចំណេះដឹងទេ ប៉ុន្តែផ្តល់សហគមន៍ដ៏មានទិសដៅលើកំណើន ដែលជួយឱ្យសហគ្រិនគិតឱ្យធំ ដឹកនាំដោយយុទ្ធសាស្ត្រនិងកសាងអនាគតដែលសមរម្យនឹងស្របតាមមហិច្ឆតារបស់ខ្លួន។
សូមកុំរង់ចាំ “ពេលល្អឥតខ្ចោះ” ដើម្បីអភិវឌ្ឍខ្លួនឯង។ ពេលដែលមានប្រសិទ្ធភាពបំផុតក្នុងការលូតលាស់គឺឥឡូវនេះ។ សូមឱ្យការពន្យាពេលរបស់ខ្ញុំក្លាយជាការរំលឹកមួយ៖ ពេលយើងជ្រើសរើសរៀនឆាប់ យើងក៏ជំរុញជោគជ័យឱ្យមកឆាប់ដែរ។ ខ្ញុំសូមអញ្ជើញអ្នកចូលរួមជាមួយនឹង CEO Master Club និងឱ្យអាជីវកម្មរបស់អ្នកឈានទៅកម្រិតដែលវាគួរតែទៅដល់៕
